Wat beteken 'n Stopteken, ens?

Ons hoor gereeld van ongelukke waar iemand 'n stopteken ignoreer het. Dieselfde gebeur met verkeersligte.

Die rede vir die groeiende aantal ongelukke wat hierdeur veroorsaak word pla my al 'n geruime tyd.

Nadat 'n voertuig my so 'n rukkie gelede amper by 'n verkeerslig gestamp het, het ek begin aandag skenk aan wat by ons stopstrate en verkeerslig beheerde kruisings gebeur.

Ry 'n bietjie rond en kyk wat maak die voetgangers by hierdie punte...... Hulle stap net oor sonder om links of regs te kyk. Maak nie saak of die lig geel, rooi of groen is nie. Kyk in ons dorpe en stede na die voetgangers se gedrag. Hulle stap enige plek oor die strate sonder om aan hulle eie veiligheid te dink.

Die punt wat ek hier wil maak is dat hierdie mense ook motorbestuurders is, of eendag gaan wees. Indien hulle as voetgangers geen ontsag vir hierdie basiese verkeersreels het nie gaan hulle dit ook nie hê as hulle agter die stuur van 'n motor, of op 'n motorfiets is nie.

Ek kan onthou toe ek nog in die laerskool was het ons gereelde verkeers sessies gehad waar ons met trapfietse en trapkarre in 'n klein area met stopstrate en verkeersligte deurgery het. 'n Verkeersbeampte het ons vooraf bietjie klas gegee en dan tussen die groep deurgeloop en heeltyd verduidelik hoekom en waar om te stop asook wanneer om te ry.

Is dit nie weer tyd dat sulke opleiding in die skole moet begin nie? Wat gaan ons met die volwassenes doen wat hulle steeds hieraan skuldig maak? Om 'n voorbeeld te stel of met die skuldiges te praat help nie en jy word slegs skeef aangekyk of 'n vloekwoord word in jou rigting gegooi.

Die verkeers owerheid doen ook nie iets om dit stop te sit nie.

Daantjie Kat is so bietjie pre-1994 vir vandag se jeug (En ek reken seker Des & Dawn se Waar kom ek vandaan ook)

Nee wat - dit help nie om te praat nie. Ek het vandag saam met 'n ou gaan ry wat sulke ninja stokke (jy weet, daai 2 stokke met 'n tou in die middel) aan sy Dakar se handlebar vasgemaak het. Dit werk blykbaar beter as 'n sagte woord.

Maar ja... ons is op ons eie daar buite - defensive driving is ons voorland...