Hi aan al die forumlede

by KobusJacobs 9th October 2008, 08:11

My naam is Kobus Jacobs, is 46 jaar oud en ek het eers onlangs by die klub aangesluit.

Ek woon in Springs aan die Oosrand en werk as 'n Elektriese Ingenieur in Benoni. Ek het baie jare terug motorfiets gery en dit later verkoop maar het gedurende hierdie tydperk baie verlang na die "vry" gevoel om op 'n motorfiets die langpad te vat. Die gogga het my so 3 maande gelede weer gebyt en ek het onmiddelik besluit om vir my 'n nuwe speelding (R1200GS) te koop aangesien dit by my leefstyl pas. Ek het ander opsies oorweeg maar BMW was op die ou einde die beste daarvan aangesien en gevoel het dat ek beter sal inpas by die BMW kultuur as by enige ander. Dit is bevestig gedurende my eerste rit na Parys die afgelope naweek. Ek kan my vereenselwig met die BMW kultuur van verantwoordelikheid.

Ek hou van avontuur en geniet Paragliding, Scubaduik, Vlieghengel en dan ook om verafgelee plekke(Richtersveld ens.) met my 4x4 te besoek.

Ek sien uit na 'n lang verbintenis met hierdie klub en hoop om soveel moontlik deel te neem aan wat die klub aanbied.